SIHMA A PANA VANMI NA KI HI KHINTA
Phil.3:20, Ephe.2:19
THU PATNA:
Ei gingtu (Pathian gingtute\Khris nungzuite) ten I hamphatna uh ina mangngaih kha nak uhi. Huaiziaka lungkham a na om man nak ihi uhi.
Toupa Jesun, “Na lungtang uh hihmangbatin om kei hen pathian na gingta ua, kei leng hon gingta sam un. Nou adia mun bawl a kuan ding kahi; ka omna a nou leng na om theih samna dingun” Sawltak lian Paulain “I khoveng hihna zaw vanah ahi” ana chi hi (Phil.3:20). Hiaikhawng ziak takin ei gingtute mawk lungkham lou a, mawk mangbat ding hilou ihih dan uh itheichian thei ding uhi. “Bang mah lou ah mangbang kei un” honna chi nawn hi.
KIPAHHUAI LEH A LUNGMUANHUAI DAN
Apostle Paulin, Juda leh Jentelte kikhenna a Jesus alem biakin a puanjak thupitak kizak\kikhai tuh Toupa Jesu sihni’n a tunglam a kipan a kek suak suk a genna ah, “I kikala kimelmakna langlai tuh hihalim in nihte tuh khat in kilemtakin honbawlta” a chi hi. Huam gamlapi a omte kiangah lemna tanchin hoih a honhilha, nai chika omte kiangah leng lemna tanchin hoih a hon hilh hi. Huaiziakin tunaizaw pa kianga luthoihna inei tuak tuak ta uhi. Tua ziak takin zin leh leng hinnawm louin misiangthoute toh tualsung khat (fellow citizen leh Pathian inkuanpihte in a hita uhi. Ephe.2:19
“Kipahna gensenglouh ka neih,
Na thupina ka tan ding;
Na gam ka luah ding teng khawng toh
Aw Toupa lamdang lua sang.”
Huan, sawltak paul mah in- “I tatlehna tengteng hon ngaidam a, batna lai thupiaka gelh itunga om, eimah hon dou gige tuh a thaimang ta ngala, huaimah tuh kros a kilhlumin a lakheta hi. Huan, lalnate leh thuneihnate suan khia in huai Kros ah theihsak na’n azang ta hi” (Kol.2:14-15).
Tua louin thupoimoh dang khat mah “Hiailaiah zaw khomunkip inei ngal keia, kho-hongom ding I zong ahi zaw hi (Heb.13:14). Hiai Kris hongtatna ziak mahmah a ei gingtute kipak leh nuam gige a om ding ihih dan hon theisak mahmah hi.” Huan, Toupa a nuam gige ding ihih dan hon thei saka,”Kipak un, ka chi nawn ding kipak un, na migitna uh mi tengteng kiangah kithei hen, Toupa anei hi.
Bangmah louah mangbang kei un a chi nawn hi.” Huai banah, lungsim leh sa leh kha a ngui leh baha I omlouh ding I Toupan hon deih gige hi, lungsima kua theihpih louh a puakgik nei keihkuih a om dingin hon phal het kei a. “Nou sem gim leh puakgik paw tengteng aw, ka kiang ah hongpai unla, keiman khawlna kon pe ding, ka hakkol pua inla keia kipan zil un, thunuailut leh lungtanga kingainiam tak ka hi. Huchiin, na kha ua dingin khawlna na mu ding uhi. Ka hakkol anuama, ka puak leng a zang ahi.” A chi hi. (Matt.11:28-29)
Keimah mimala kua theihpih leng hilou lungngaihna tuam tuam ka neiha ka ki thazoi sak dek chiangin hiai atunga Bible chang kipiatekava thei khezel a, ka Toupa in nguaimel pu lou a, halh mel a om gige dia hon deih ahi maw, chiin lem leh lemlou in ka kihalhsak zel hi. (Sam.94:19) (Philip.4:4-5) huan nuam gige un tawplouin thum un (1 Thes.5:16-17)
Huai lou leng “khemna chiteng na tuah chiangun, thil tengteng kipahna ngenin sim un” Jokob.1:2(b) chih a om nawn hi. Toupa Jesu’n a nungzuite kiangah “ nou zaw an na ngolh chiang un, na sam uh sathau nuh unla, na maiuh phiatsiang unla, huchiin na pa uh aguka om kia theih in anngawl na hi uh, huchiin midangte muh in anngawl na bangkei ding uh, huan na pa uh aguka om in ahon dinding” a chi hi. (Matt.6:17-18) I Toupa Jesu’n milaka an ngawllam mihilhbawla, sam khawng leh maigum letlut a om di’n hon phal kei hial hi. Ki nguisak leh bah ihihlam mi’n hon theih louha halh taka om gige dia hon deih ana hi gige hi.tua louleng,I Toupa’n I mangbat khak ding a hon phal ngei kei a hiai leng a chi hi- “Na lungtang uh mangbang kei hen, lau leng laukei hen, khamuanna kon nutsiata, keimah khamuanna ngei, khovel hon piak bangin kon pekei, keimah khamuanna ngei kon pia hi” achi hi.(Johan 14:27)
THU KHUPNA:
Huaiziakin ei gintute hi Khris hon tatsa ihi ua, ei hon tatna nna, kalvari tang sing Kros tung ah a hongzohsiangsak/a hongzohfel sakta a, huai tatna a hong hihbuchinsak pen itankhak theihna dingin Amah (Toupa Jesu pen) I Lal leh I mimal Hondampa ding a I pom leh, a pomsate a dingin mangbatna himhim a om nawn kei hi. Kua peuh Kris a a om leh, thilsiamthak a hong hita, thil lui a mangta, ngai in ahongthakta hi. (2kor 5:17) a chi nawn hi.
ETSAKNA:
Mi khat school khat ah ava ki admit a, hihtuak poimoh teng formality teng ava zou khin a, school kai hunhun a amah leng tua aki admitna schoola kai ngal dia mansa in a omta a, huai mah bangin eite’n leng Kris (Jesu) I lal leh I mimal hondampa a I pom khit leh bel Kris hong pai hun hun a hih kei leh I sih hun hun a, Kris Jesu ziaka a ta dia honna pom I Pa Pathian Lalna Van-gam (Kingdom of God/ Hevenly a bode) lut ngal ding leh vangam nuam tangkhinta ding Ihi. Ei om na ding gam, eiadia mansa ahita. Tulai masawnna nungah, lenna ticket huai Airline office sung khel khel lou ah leng mundang daiha, huai ticket katna dia mun tuama agent concerned te omna ah leng tua lenna ticket I laktheih a hi. Huaimah bangin dena I gen vangam luttheih na Kros ticket pen (Pianthakna- Pulingenesis) koipeuh ah, isia leh phatheihna, a hongom I ginna tungtawna ina muh ahih keileh (or) counselling bawlna mun a counsellor te apan a leng tua Kros ticket (Hotdamna) ngah theih ahi.
Tua ineih chianga bel zin leh leng hinawn lou a Pathian misiangthoute toh tualsung khat (fellow citizen) leh Pathian inkuanpihte/ A insungmi, hita ihi, van-gam luah dia mansa sinailou a leng tatsa vanmi hihna tang khin, isa leh kha a kikhennai louh ziak lel ahi, isa adia poimoh niteng a leitunga omlai hinkhua a ding buaipih lai ngaita dih chihna ahi, den chiangin thangvan boeing (Toupa Jesu) khalam number a bangzahna a hi diam hongleng dia tua hunin Kros ticket neisateng lut ziah ziah ta ding, iki admit nasa lam manoh vengveng ding I Hondampa Toupa Jesu kiang zuan a lengta ding, Kros ticket na neikhanailou ten hon enliam maitading uh lah a aw! Tua hun lak ei voi mi tampi tua hun a “na mangtut phah mai a pahtawi in a zaila oih hun chiangin, kim louh ding jaw Toupa, laiah na sang chih hun hong tung ding alutte Kros ticket neite a dingin hiai la iteel hi.
Aw haibang ngak lah’ng
Lalgam tuang tungding;
Hongtung henla, ngabang leng leng,
Huan mang anbang itte leh
Toupa deihsakte teng
Kimta ding uh
nuame ! Hallelujah
Toupa’n a vualzawlna tam semsemin hon behlapsak vekta hen.
A hi, Amen hongpaita in Toupa Jesu, Toupa Jesu anbang honitna, misiangthoute kiangah om hen aw! Hallelujah Ameh, Hallelujah Amen.
