Sunday School

Tualsung Saptuam a naupang kum 18 chiang nuailamte Laisiangthou sinsakna banga kithuahkhawm a Pathian be ding,Tanchinhoih puangzak ding leh a gingta mite Khrist nungzui dinga chiil a, nna hoihte sep naupang pawl dinsan ahi.

Naupang sinsakna in a tup

1. Jesu khrist batna nei dinga naupangte hinkhua khekna
2. Laisiangthou Thutak theihna a khang sem dinga kilawpsakna
3. Gingtu mimalmalte kha a hing dinga panpih
4. Pathianin a deih banga gahsuah a,khang dinga panpih
5. Khalam a khangsem dinga panpih leh hatsak
6. Piching ding a sinsakna (Taksa,khalam leh lungsim leh khotang hindan (I Korinth 3:17; 6:13)

Hiai atung a kigente bang a sinsak a makaihna tuppi a nei in nipini hunte naupang nipi skul ah kisinsakna hun in kizang zel hi.

Zing dak 10:15 - 11:00 sung Devotion zat hi a, Dak 11:00 -12:00 sung pawl chihin sinsaktute makaihin mahni class room te ah sinlaibute pansan in kisinsakna hunte kizang zel hi. Tua hunte zoh ahihchiang in sinsaktuten naupangte dinmun, sinsakna toh kisai leh maban panlak dingdan kikupna leh thumkhawmna hunte kizang zel hi.

Tulel in Baptist children Department (BCD) Pearsonmun ah naupang minkhum 303 pha a Toupa'n hihtheihna hon piak bangbang toh amaute sinsaktu Pasal 9 leh Numei 14 in ki enkol hi. Naupang pawl in khalam dinmun ngaih poimoh pen a kinei ahihman in Child Evangelist in Naupangte mimalmal a houlimpihna neih zel hi. Committee sungah program, contest leh music department kinei sawn a amaute makaihna toh Biakna leh phatna khalam leh salam a kipolhlimna hunte kizang zelzel in kitaitehna tuamtuamte bang sai in hun nuamtak ki zatpih zel hi.

Piching hihna zom dinga kisa naupangte atuam a sinsakna hun kizatpih zel in amaute piakkhiakna hun Graduation Sunday chih minvuah in hunseh zatpih zel ahi.

More About BCD