Tualsung Baptist Upa Committee (TBUC)

Genchetna:

Tualsung Saptuam pumpi Laisiangthou sinsakna banga kithuahkhawm a Pathian be ding. Tanchinhoih puanzak ding leh a gingta mite Khrist nungzui ding a chiil a, nna hoih te sepkhawmna enkai ding committee thunei sangpen TBUC ahi.

Committee Member:

Tualsung Saptuam ah Tualsung Saptuam Upa committee khat a om ding a, tua in ordensa teng teng ban ah Tualsung Saptuam in kum 3 a dia a tel member 5 sanga tamzawlou, 15 sang a tamzawlou a nei dinga, Chairman khat, Vice Chairman khat, Secretary khat, Assistant Secretry khat (tuate a kichinna mun ah ordensa ahi ding uh), Finance Secretary khat, Treasurer khat amau sung ah a kitel ding ua, amaute banah Pastor (a omna munte ah) tel in office bearers ahi ding uhi. Office bearer dinmunte mi khatin post khat term 2 kan a kizomin a len thei kei ding.

Nasep Dingte:

Amau tualsung ah hiai bangte a sem ding.

1. Kivaihawmna tangpi enkaitu ahi ding.
2. Lai poimoh tuamtuam, membership register, Cash Book, Ledger leh Stock register bawlin a kem ding.
3. Committee tuamtuam omte Ministrial Committee, Missions, Dorka Pawl, Tuailai Pawl, Naupang Pawl leh a dangdangte a makaih in a enzui ding. Pastor station mun ahihkei leh adviser ding a sep ding.
4. Poimohna om bangin nna tuamtuam sem ding subcommittee dang leng a phuanthei ding. Kiteelnate ah nomination committee ahi ding.
5. Sum muhna leh zatna Financial Code dungzuia endiktu ahi ding.
6. Vanneih, gou-le-lam, enkaitu ahi dia, thunei sangpen ahi ding.
7. Biakin, Nipi Skul inn leh Saptuam nasemtute inn (quarter) lam in hoihtak in a enkol ding uh.
8. Pastor leh Saptuam goih nasemtu omna ah, amaute nasep khiam zen a, pukpua leh nekzong a adian khiak louhna ding ua kankuah/angvan ding.
9. Pastor nasepna toh kisai, phatna leh demna thu gen ding, sak ding a om leh a sai ding.
10. Plan leh policy bawl ding in kum khat in khatvei bek Tualsung a Department tuamtuam te zalentak a a kikupkhawm theihna ding Joint Department Meeting a sai dia, Plan leh policy te a enkai ding.
11. Thusia-lasia a om chiang in EBC Kithununna dan pansanin Siangthou leh hoihtak in a saiding uh. Saptuam mite lak a khelhna khawk a thu tun ding omlou te leng a thu kansui in, thutuntu leh a sai in a pang ding.
12. Saptuam dan siangthou a kiteenna ngen a om chiangin a thu a ngaihtuah dia dan toh kituakin a saizui ding.
13. Gindan kibanglou mi kuahiamin saptuam a member hihnopna a neih leh Pastor (a omna ah)/ Local Chairman tel in EBC Saptuam thugin leh paidan te theisakin member suahna toh kisai houlimpihna neiin, tua report dungzuiin member hihna toh kisai thupukna a bawl ding.
14. Member min khum thak ahih chiangin amaute vaidawnna leh pulakna nei in, kipahthugenna, thuumsakna leh vualzawl ngetsakna tawh Pathian kianga lat ding ahi.

TBUC Members 2023 – 2025:

1. Upa Khamzamuan - Chairman
2. Upa Englal - Vice-Chairman
3. Upa Pumkhanjam - Secretary
4. Upa Tualkhanhau - Asst. Secretary
5. Upa Khoizachin - Finance Secretary
6. T/Upa Thangkholian - Treasurer
7. Upa Hauginlian
8. Upa Johnson
9. Upa Kamlianthang
10. Upa Langsuanmung
11. Upa Liankhansiam
12. Upa Pausuanlal
13. Upa Sumlianthang
14. Upa Thongzatuan
15. Upa Ginkhanlian
16. Upa Gougin
17. Upa Thonzalian
18. Upa Vumzakap
19. Upa Vungchin
20. T/Upa Chinsuanmung
21. T/Upa Elson Tonsing
22. T/Upa Ginkhanhau
23. T/Upa Ginlunthang
24. T/Upa Jameson
25. T/Upa Kamkhanchin
26. T/Upa Kamkhanlian
27. T/Upa Thawngkhanhau
28. T/Upa D. Tualthiansiam
29. Pastor G. Sanglian
30. Pastor (Retd.) V. Khamlang

Ministerial Committee

Genchetna: Tualsung Saptuam a khalam kikepna leh nasepnate – thu nasep, Sunday skull kisinsakna, khamangthang zonna leh khalam thil himhim sai ding Ministerial Committee mohpuak ahi.

Committee Member: Pastor Chairman ahi dia, Tualsung Upa Committee a Assistant Secretary pen Serectary ahi dia, Upa committee a office bearer tengteng Committee Member ahi ding. Pastor omlouhna ah Tualsung Upa Committee Chairman pen Chairman ahi ding.

Nasep Dingte:

Amau tualsung ah hiai nna te a sem ding uh

1. Hotdam nailou omte enkaiin hotdamna lampi ah pina a enzui ding.
2. Mipi biakkhawmna program te bawlin Pathian pomtak biakna hingtak mi atam lamlam in neihkhawm ahih theihna dingin a enkai ding.
3. Thusehte-Baptisma leh Toupa Nitak annkuang saina leh Ceremony tuamtuam te a enkai ding.
4. Siatni leh phatni a Saptuam sai ding omte a enkai ding.
5. Upa Bial khenin, bial makai ding sep in bialte kikepna a enkai ding.
6. Thuumna hatsak dingin thumpawl din nasep a enkai ding.
7. Piching nipi skul sinsaktu ding(te), Superintendent leh mohpuakna poimoh omte sem ding mi sep in tua nna hoihtak a sepkhiat ahihtheihna ding in a enkai ding.
8. Kisinsakna poimoh tuamtuam te Laisiangthou sinsakna banga sinsakna a enkai ding. Abiikin Naupang leh Tuailai Pawl nasepna in a sukkhaklou pasalte-tangval upa, papi la, pathoi, pagong, papi leh putekte Laisiangthou lamlahna bang a om chiat ding a sinsakna a enkai ding. Mohpuakna omte sepkhiatna a hatzawkna ding ahihleh teamtuamtuam bawlin tua nnate a hawmsawm in a enkai ding. (Etsakna: Worship team, Greeters/Ushers, Evengelism team, Prayer Team, Benevolence Team). Tua team bawlna te ah TBUC’ theihpihna a la dinga paidan ding hoihtak neisa a phuan leh etzui ahih ding ahi.
9. Local Saptuam sungmah a Primary member apan Junior Communicant member hiam, Junior Communicant member pan a Full Communicant member a laklut ahih chiangin amaute a dia thumsakna leh vualzawlna piak a enkai ding.
10. A hunhun a Baptisma tang, dan a kiteng, naulat, misi vui chihte chiamtehna bu bawlin a enkai ding.
11. A kumkhat nasep ding ua a lemgeelna uh TBUC toh kithuzakin a guang ding a, tuate sepkhiatna report TBUC lak ah a pe zel ding.